ek nazm, Amjad Islam Amjad kee

[UVR]

haal hi meN ek dost ne Amjad Islam Amjad sb ki yeh muKhtasar si nazm
sunaayi. mulaahiza farmaayeN:

maiN subh-o-shaam likhtaa hooN
zameeN pe jis qadar achchhee zubaaneN bolee jaatee haiN
maiN un se harf chuntaa
aur *tumhaaraa naam* likhtaa hooN
- Amjad Islam Amjad

nazm ke unwaan kaa gar kisi ko 'ilm ho, to zaroor aagaah kareN.

-UVR.

[Zoya]

Post by UVR
maiN subh-o-shaam likhtaa hooN
zameeN pe jis qadar achchhee zubaaneN bolee jaatee haiN
maiN un se harf chuntaa
aur *tumhaaraa naam* likhtaa hooN
- Amjad Islam Amjad
nazm ke unwaan kaa gar kisi ko 'ilm ho, to zaroor aagaah kareN.
-UVR.

UVR Sahib,

Amjad Sahib kii is nazm kaa unwaan hai : "sab se aChhe lafz".
yeh nazm mujhe ek baar Amjad Sahib ne Khud sunaayii thii.

ittefaaq kii baat hai k merii aaj subah hii phone par Amjad Sahib se
baat ho rahii thii, unhoN ne apnii ek aur muKhtasar nazm kaa zikr kiya,
lage haathoN voh bhii sun liijiye:

"tum"

tum jis Khwaab meiN aaNkheN kholo,
us kaa ruup amar!
tum jis raNg ke kap.De pehno,
voh mausam kaa raNg!
tum jis phuul ko haNs kar dekho,
kabhii na voh murjhaaye!
tum jis harf pe uNglii rakh do,
voh raushan ho jaaye!! :)

BTW, did you ever get a chance to listen to the interview that I had
recorded with Amjad Sahib for Shoaib Sahib's site, Mehfil-e-SuKhan?!

__________Zoya